Лисаков техникалық колледжі 1996 жылы орта кәсіптік техникалық училище негізінде құрылған. 2012 жылдың шілде айынан бастап коммуналдық мемлекеттік қазыналық кәсіпорынның заңды мәртебесіне ие болды және білім беру қызметін жүзеге асыру үшін мемлекеттік лицензиясы бар. Оқу орнында ағымдағы жылдан бастап 3бөлім жұмыс істейді: кен ісі және құрылыс бөлімі; экономика, информатика, автоматика, сервис және көлік бөлімі және сырттай оқу бөлімі.

2015-2016 оқу жылы 1414000 «Жиһаз өндірісі» мамандығы, 1414012- «Жиһаз жинақтаушы» біліктілігі бойынша дуалдық оқыту жүйесін енгізу бойынша эксперименттік бағдарламаны іске асырудың 3 кезеңі аяқталды.

Қызметтің негізгі түрі: техникалық және кәсіптік білім беру. «ҚР БжҒМБілім және ғылым саласындағы бақылау комитетініңҚостанай облысының Білім саласындағы бақылау департаменті» ММ 2014 жылғы 17 маусымдағы №306 бұйрығымен берілген 17.06.2014ж. №0161340 электрондық лицензияға сәйкес оқыту 18 мамандық және 26 біліктілік бойынша жүргізілетін болады.

2015-2016 оқу жылы колледжде 824 адам оқыды, соның ішінде күндізгі оқу нысаны бойынша 681 адам, сырттай оқу нысаны бойынша – 143 адам. 668 студент мемлекеттік тапсырыс бойынша оқып жатыр.

Оқу процесін жүзеге асыру үшін оқу-зертханалық корпусы мен жатақхананың (240 орынға арналған) типтік ғимараттары бар. 42 арнайы кабинеттер мен 6 зертхана, 8 шеберхана, оқу залымен 1 кітапхана, спорт және тренажер залдары, стадион, жиын-жай залы, асхана, конференц-зал, 4 компьютерлік кабинет қызмет етеді, оқу процесінде 106 компьютер, 9 интерактивті тақта пайдаланады. Интернет желісіне қосылу бар, колледж сайты жұмыс істейді.

Колледжде тұрақты ұжым жұмыс атқарады. Басқарушылық саласында негізгі екпін білім беру процесінің беталысын тиянақты бақылау жүйесін әзірлеуге, персоналдың қазіргі уәждемесін арттыру механизмін құруға және жақсартуға жасалған.

2015-2016 оқу жылының басында колледжде 54 инженерлік-педагогикалық қызметкер жұмыс істеді (8 – ӘБП, 36 – оқытушы,оның 4 қосымша істеуші, 10 – ө/о шебері),оқу жылының соңындағы нақты саны (01.07.2016 ж.)- 48 (8 – ӘБП, 30 – оқытушы, 10 – ө/о шебері). Сандық құрамы 6 адамға азайды (4 қоса атқарушы-еңбек шартының мерзімі аяқталды; оқытушы Галюк Г.М.- зейнетке шығу, оқытушы Читалова И.В.- еңбек шартының мерзімі аяқталды).

Штаттық оқытушылардың үлесі 88,9%, штаттық өндірістік оқыту шеберлердің үлесі– 100% құрады.

Барлық оқытушылардың жоғары білімдері бар. Өндірістік оқыту шеберлер құрамында жоғары білімі – 8 адамда бар, ол 80% құрайды.

Оқытушылар санынан (с.і. ӘБП және қоса атқарушылар) 41 адамда, ал өндірістік оқыту шеберлері санынан 7 адамда кәсіби біліктілік санаттары бар. 3 адамның (Пузевич –қоса істеуші, Кокотов А.-ЖОО оқыды, Потянов Н.Г. –жаңадан қабылданған) санаттары жоқ. Педагогикалық құрамның сапалық деңгейі белгіленген талаптарға сай. Өткен оқу жылымен салыстырғанда оқытушылардың саны азаю және шығып кеткендердің арасында 6-ы жоғары және бірінші санатты болу есебінен оқытушылар арасындағы сапалық құрам 17,8% (76,1%-дан 58,9 %-ға дейін) төмендеді. Шығып кетулердің себебі: 1-тұрғылықты мекенжайын ауыстыру (Яружная Ю.В.), 1- зейнетке шығу (Шупейко В.П.), 2- жұмыс орнын ауыстыру (Вафина Н.Г., Литвинов С.П.), 2- қоса атқарушы(Асанов С.А., Жансүгір Д.А.).

Ө/о оқыту шеберлері арасында жоғары және бірінші санаттылар үлесі 40% құрады, бұл өткен жылдың осы кезеңімен салыстырғанда 18,6% жоғары. 2015-2016 оқу жылында аттестаттауға 12 адам қатысты.

Ағымдағы оқу жылының шығуы 206 адам құрады. Сырттай оқу бөлімінде - 37, күндізгі бөлімде -169 (мемлекеттік тапсырыс-155, 92 %). 12 үздік дипломы берілді.

Колледждің табысты қызмет көрсеткіштерінің бірі кәсіби дайындық пен біліктілік беру деңгейін бағалау болып табылады, онда үлгерімнің өсу беталысы, сонымен қатар КҚДБ мен ПК бірден тапсыруға міндеттенген түлектер санының өсуі белгіленген. Колледж бойынша орташа балл 80,2 құрайды, бұл өткен оқу жылмен салыстырғанда 0,6 артық. КД пен ББДБ шеңберінде теориялық тестілеуді бірден тапсырғандар саны 92,6 % құрайды. Бұл көрсеткіш өткен оқу жылының деңгейінен 3,3% жоғары.

Білім сапасын арттыру- біздің ортақ міндетіміз, өйткені заманауи жұмыс берушілер политехникалық ойлауы бар, белсенді өндірістік қызметке, ғылыми ізденіске, эксперименттік жұмысқа дайын, сауатты мамандарға қызығушылық білдіреді.

Осыған байланысты оқытушылар білім алушылардың ғылыми жұмыстарын басқарып, ғылыми-зерттеу қызметімен айналысады. Бес жыл бойы «Қайнар» ОҒҚ жұмысының шеңберінде және кәсіптік бейімделу мақсатында «Желтоқсан оқулары» Өңірлік ғылыми-практикалық конференциясы өткізіледі. Ағымдағы жылы ол «Мәңгілік Ел- Қазақстан жастарының болашағы» тақырыбымен өткізілді. «Алтын өмір» ЖШС әлеуметтік серіктестігінің өндірістік объектінде «Электргазымен пісіруші» және «Автомеханик» мамандықтары бойынша «Іс шебері» кәсіби шеберлік конкурсы өткізілді. Сондай-ақ, осы оқу жылында колледж негізінде облыстық толеранттық фестивалі өткізілді.

Оқытушылар мен шеберлер оқу-әдістемелік өнімдерін әзірлеумен белсенді айналысады, түрлі деңгейдегі конференциялар мен семинарларға қатысады.

Тәрбиелік мақсатына жету үшін колледжде жеке тұлғаны тәрбиелеу жүйесі әзірленген, бірыңғай педагогикалық талаптар шығарылған, атап айтқанда, киім мәдениеті; мінез-құлық мәдениеті мен этикеті; қатысу мен үлгерім үшін күнсайынғы бақылау; жеке жұмыс (білім алушылар мен олардың ата-аналарымен); өзін-өзі басқару бойынша және т.б.

Рухани-адамгершілік дамыту мақсатымен колледжде екі жобадан тұратын, «Рухани даму» және «Патриоттық тәрбие» кешендік бағдарлама түріндегі халық педагогика Мектебі қызмет етеді. Колледж спортшылары –түрлі деңгейдегі сайыстардың тұрақты жүлдегерлері, спорт шеберлер мен спорт шеберлеріне кандидаттар да бар. Педагогикалық құрамы үшін шағын-спартакиада мен білім алушылар үшін «Күштік экстрим» сияқты спорт жарысының қызықты түрін өткізу дәстүрге айналды.

Оқыту процесінің басты құрастырушысының бірі -өндірістік оқыту болып табылады. Қала және өңір ұйымдарымен жақсы әлеуметтік серіктестік жүйесін орнатудың арқасында біздің білім алушылар «Өркен» ЖШС, «Алтын Өмір» ЖШС, «Варваринское» АҚ, «Алюминий Казахстана» КБКБ АҚ, «СКӨБ» АҚ Қоржынкөл кенбасқармасы, «Лисаковскрудстрой» ЖШС, «ЛМФ Имсталькон» ЖШС, «Лисаковқалакомунэнерго» ӨШБ МКК, «Деко+» ЖШС, «Казметаллургремонт» ЖШС, «Казмеханомонтаж» ЖШС, «Декор» ЖШС, «Жиһаз» ЖШС, «Лисаков картон-қағаз кешені» ЖШС, «OLE» ССК секілді фирмаларда практикадан өтіп, болашақта сонда жұмыс істеуге мүмкіндік алады.Осы ұйымдармен ынтымақтастық туралы ұзақ мерзімді келісім-шарттар жасалды.Арнайы пәндер оқытушылары мен өндірістік оқыту шеберлері әлеуметтік серіктестердің өндірістік учаскілерінде тағылымдамадан өтеді. Оқу жабдықтарын, құрал-саймандарды, арнайы киімдерді беруге көмек көрсетіледі. Дәстүрлі түрде көшпелі педагогикалық кеңестер, дөңгелек үстелдер, экскурссиялар өткізіледі.Ағымдағы оқу жылында «Қоржынкөл»КБСКӨБ АҚ негізінде «Әлеуметтік серіктестік: даму болашағы» тақырыбына көшпелі педагогикалық кеңесі өткізілді. Колледж кәсіпорынның технологиялық процесі үшін қызығушылық туғызатын дипломдық жобалардың жетекшілері ретінде жұмыс істеуге әлеуметтік серіктестіктер кәсіпорындарынан мамандарды тартуды жалғастыруда. Сонымен қатар мемлекеттік біліктілік комиссиялардың төрағалары ретінде де шақырылады.

Тұтас педагогикалық процесс туралы айтқанда, 2015-2016 оқу жылы айтарлықтай табысты болды деуге болады.

Осы жылы «Үздік педагог» республикалық конкурсының облыстық кезеңіне Г.М.Өтегенованың жұмыс тәжірибесінен материалдар ұсынылды.

ОӘЖ жөніндегі директордың орынбасары Г.М.Өтегенова және әдіскабинет меңгерушісі М.М.Кононенко Ы.Алтынсариннің 175 жылдығына арналған «Білімдегі инновациялар мен тәжірибелер: уақыт талабы» тақырыбы бойынша педагогикалық оқулардың облыстық кезеңінде 1-орынды және республикалық кезеңінде «Болашаққа қадам» номинациясын жеңіп алды.

Ө/о шеберлері Н.С.Елкина Н.С. және Құшманов Д.Х. «Жыл шебері-2015» облыстық конкурсына қатысып, Елкина Н.С. 1-орын алды.

Колледждің білім алушылары да конкурстарға белсенді қатысты. «Пісіру технологиялары» құзыреті бойынша кәсіби шеберлік конкурсының WORLDSKILLS өңірлік чемпионатының облыстық кезеңінде ЭГП-13 тобының білім алушысы Батуро Иван 3-орын алды (педагогтері: Мельник А.Н., Щетина А.В.), сертификат иегерлері: «Электромонтаждық жұмыстар» құзыреті бойынша- ЭлМ-13 тобының студенті Борисов Сергей (Удовик В.А.); «Веб-әзірлеме» құзыреті бойынша- ЕТБҚ-13 тобының студенті Азелханов Ильяс (Викторова Н.М.).

Кәсіптік-техникалық білім беру жүйесінің құрылуының 75 жылдығына арналған Қостанай облысының колледж мұражайларының байқау-конкурсында колледж командасы (Пидкоша Марина, Азелханов Ильяс, Кригер Артур, Мельник Иван, Байсекенова Эльмира) 2-орынға ие болды. Команданы дайындағандар: Хайруллина С.М., Өтегенова Г.М., Кононенко М.М.

ЕТБҚ-13 тобының студенті Белоус Дарья(жетекшісі: Викторова Н.М.) «Экстремизм мен лаңкестікке-жоқ дейміз» бейнероликтердің облыстық конкурсында 3-орын алды. Колледж студенттері жыл сайын қалалық конкурстарға да қатысады. АжБ-14 тобының студенті Достуев Элшен (жет.: Мурзагалиева К.З.) «Біз қазақ тілін үйренеміз!» конкурсында 1-орын алды. ХР-14 тобының студенті Воложенина Антонина (жет.: Байменова Т.И., Орунханова Г.Д.) «Тілдарын» қазақ тілі және ағылшын тілдері бойынша қалалық олимпиадада 3-орын алса, ал АТҚК-14 тобының студенті Ткачев Даниил (жет.: Болтушенко Г.П., Өтегенова Г.М.) алғыс хатымен марапатталды.

Оқу орнымен 2015-2016 оқу жылы техникалық пен кәсіптік білім саласындағы мемлекеттік саясатты іске асыру, оқу-тәрбиелеу процесін жетілдіру, кадрлық әлеуетін нығайту, ғылыми-зерттеу жұмысының тиімділігін арттыру, кітапхана қорын толықтыру және материалдық-техникалық базаны дамыту бойынша едәуір жұмыс жасалды.

Түлектерді дайындау деңгейі жоғары болып табылады, ол колледж жұмысының тиімділігі туралы тұжырым жасауға мүмкіндік береді.

Оқу орнының тәрбие жұмысы тиісті деңгейде жүргізіледі.

Өндірістік практика және жұмысқа орналастыру бойынша әлеуметтік серіктестермен –шаруашылық субъектілермен жұмыс реттелген.

Колледждің қаржы-экономикалық қызметі білім беру қызметтер нарығында оның тұрақтылығы мен орнықтылығын қамтамасыз етеді.

«Лисаков техникалық колледжі» МКҚК білім қызметі «Білім туралы» Қазақстан Республикасының Заңымен сәйкес жүргізіледі, көрсетілетін білім беру қызметінің сапасы ұсынылған талаптарына сай.

Аналитикалық есебінде тұжырымдалған қорытындылар мен ұсынымдар, колледждің құрылымдық бөлімше жетекшілеріне өз құзыреттерінің шеңберінде оқу-тәрбие процесін әрі қарай жетілдіру үшін жаңа тәсілдер әзірлеу мен білім беру қызметін арттыру бойынша тиімді басқару шешімдерін жасауға мүмкіндік береді және оқу орнының қызметінде жаңа нәтижелерге жетуге жағдай жасайды.